Msanii nyota wa muziki wa RnB, Juma Jux, na mke wake mrembo Priscilla wameandika historia nyingine ya kifamilia baada ya kuandaa sherehe ya 40 ya mtoto wao kwa namna ya kifahari na yenye mvuto wa kipekee. Tukio hilo limefanyika jijini Dar es Salaam, likihudhuriwa na ndugu, marafiki wa karibu pamoja na mastaa mbalimbali kutoka kwenye tasnia ya muziki na burudani.
Sherehe hiyo imepambwa kwa mandhari ya kuvutia na mapambo ya kisasa yaliyowakilisha ubunifu wa hali ya juu. Wageni waalikwa walijumuika katika furaha, wakishuhudia Jux na Priscilla wakionesha upendo na mshikamano mkubwa sambamba na mtoto wao, hali iliyogusa nyoyo za wengi.
Mitandaoni, mashabiki hawakusita kueleza hisia zao baada ya kushuhudia picha na video zilizoshirikishwa, zikionesha familia hiyo ikiwa katika hali ya furaha tele. Maoni mengi yameonyesha pongezi na upendo mkubwa kwa wanandoa hao, huku wengine wakieleza kwamba tukio hilo limekuwa kioo cha mshikamano wa kifamilia na mfano wa kuigwa.
Kwa mashabiki wa Jux, sherehe hii haikuwa tu tukio la kifamilia, bali pia burudani iliyoonesha sura nyingine ya msanii huyo mbali na muziki na jukwaa. Ni kumbukumbu muhimu inayoongeza hadithi ya safari ya maisha ya Jux na familia yake, ikionesha kwamba nyota huyo anajivunia mafanikio yake binafsi ndani na nje ya muziki.
0 Comments